Members Mobile

  • Home
  • Pan-Canadian Joint Consortium for School Health (JCSH) Inuinnaqtun

ᑲᓇᑕᓕᒫᒥ ᑲᑐᔾᔨᖃᑎᒌᑦ ᐊᖏᖃᑎᒌᒍᑎᖓ ᐃᓕᓐᓂᐊᕐᕕᖕᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐋᖅᑭᐅᒪᔾᔪᑎᓄᑦ ᑎᑎᕋᖅᓯᒪᔪᑦ

"ᑲᓇᑕᒥᐅᑕᓕᒫᑦ, ᐊᖏᖃᑎᒌᒃᑎᐅᑎᓪᓗᑕ ᐃᓄᒃᑎᒍᑦ, ᑲᒪᒋᔭᒃᓴᖃᖅᑐᐃᓐᓇᐅᕗᒍᑦ ᓴᖅᑭᑦᑎᓂᕐᒥᒃ ᐊᒻᒪ ᑲᒪᒋᔭᖃᕐᓂᕐᒥᒃ ᑕᒪᐃᓐᓄᑦ ᐱᓕᕆᖃᑎᒌᒍᓯᕐᓂᒃ." ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᑦ ᐊᒻᒪ ᐃᖏᕐᕋᑎᑕᐅᖏᓐᓇᖅᑐᑦ ᐊᐅᓚᓂᕆᔭᒥᓂᒃ ᐊᐅᓚᓂᖃᕈᓐᓃᖅᑐᑦ, ᐊᕐᕌᒍᖃᑎᒌᙱᑦᑐᓄᑦ ᖁᐋᖅᓵᕈᑕᐅᓲᑦ ᐊᒻᒪ ᐃᓅᖃᑎᒥᓂᒃ ᐊᑭᕋᖅᑐᕐᓃᑦ ᐊᒃᑐᐃᔾᔪᑕᐅᓲᑦ ᐋᓐᓂᐊᓕᕈᑕᐅᓲᑦ ᐃᓕᓐᓂᐊᖅᑕᐅᔪᓪᓗ ᓴᖅᑭᓲᑦ ᓄᓇᖃᖅᑳᖅᓯᒪᔪᓄᑦ, ᐊᓪᓚᖓᔪᓄᑦ ᐊᒻᒪ ᐃᓄᖕᓄᑦ ᓄᑕᖅᑲᓄᑦ.

ᑲᓇᑕᓕᒫᒥ ᑲᑐᔾᔨᖃᑎᒌᑦ ᐊᖏᖃᑎᒌᒍᑎᖓ ᐃᓕᓐᓂᐊᕐᕕᖕᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᒻᒪᕆᐅᒋᔭᐅᔪᑦ ᐊᒻᒪ ᐃᑲᔪᖅᓱᖅᑕᐅᔪᑦ ᐱᓕᕆᐊᖑᓯᒪᔪᑦ ᓱᓕᔪᒥᒃ ᐃᓱᒪᒋᔪᓐᓃᖃᑎᒌᖕᓂᕐᒧᑦ ᑭᒡᓕᓯᓂᐊᖅᑏᑦ ᑲᓇᑕᒥ ᐃᓕᑕᕆᓗᒋᑦ ᐊᒃᑐᐃᔾᔪᑕᐅᓲᑦ ᐊᑲᐅᙱᑦᑐᒃᑯᑦ ᐊᒻᒪ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ ᐊᒃᑐᖅᑕᐅᓯᒪᔪᑦ.   ᐊᑐᕐᓂᐊᖅᐳᒍᑦ ᑲᓇᑕᒥ ᑐᙵᕕᒋᔭᐅᔪᒥᒃ ᐅᔾᔨᕆᔭᐅᓕᖅᑎᑦᑎᔾᔪᑎᓂᒃ, ᐊᒻᒪ ᓈᒻᒪᒃᑳᖓᑦ, ᓴᖅᑭᑉᐸᒡᓗᒋᑦ ᐱᓕᕆᖁᔭᐅᓯᒪᔪᑦ ᐃᓕᓐᓂᐊᖅᑐᓕᕆᓂᕐᒥᒃ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ.

ᑲᑐᔾᔨᖃᑎᒌᑦ ᐊᖏᖃᑎᒌᒍᑎᖓ ᐃᓕᓐᓂᐊᕐᕕᖕᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᓪᓗ ᐃᓕᑕᖅᓯᐅᒪᖕᒥᖕᒪᑕ ᓇᖕᒥᓂᖅ ᐱᓇᔪᒍᓐᓇᕐᓂᕐᒥᒃ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᐅᓯᒪᔪᑦ ᓄᓇᕐᔪᐊᕐᒥᐅᑦ ᑲᑐᔾᔨᖃᑎᒌᑦ ᓱᓕᓂᕋᕈᑎᑦ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᓐᓄᑦ (UNDRIP). ᑲᑐᔾᔨᖃᑎᒌᑦ ᐊᖏᖃᑎᒌᒍᑎᖓ ᐃᓕᓐᓂᐊᕐᕕᖕᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᓪᓗ ᐱᓕᕆᐊᒃᓴᖃᖅᐳᑦ ᐃᑲᔪᖅᑐᐃᓂᕐᒥᒃ ᐊᒻᒪ ᑐᓴᖅᑕᐅᑎᑦᑎᓂᕐᒥᒃ ᓄᓇᖃᖅᑳᖅᓯᒪᔪᑦ ᑕᐅᑐᖅᑰᖅᑕᖏᓐᓂᒃ ᖃᐅᔨᒪᔾᔪᓯᖏᓐᓂᒡᓗ, ᐱᕚᓪᓕᖅᑎᓪᓗᒋᑦ ᐱᐅᓯᖃᑎᒌᙱᑦᑐᑦ ᑐᑭᓯᐊᔾᔪᓯᖏᑦ ᐊᑐᕐᓗᒋᓪᓗ ᐃᓱᒪᔾᔪᓯᖏᑦ ᐱᐅᓯᖏᓪᓗ ᓄᓇᓕᖕᓂ ᐃᓕᓐᓂᐊᕐᕕᖕᓂ.

ᑲᑐᔾᔨᖃᑎᒌᑦ ᐊᖏᖃᑎᒌᒍᑎᖓ ᐃᓕᓐᓂᐊᕐᕕᖕᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᓪᓗ ᑭᐅᖃᑦᑕᕐᓂᐊᖅᐳᑦ ᐱᓕᕆᖁᔭᐅᔪᓄᑦ ᐊᒃᓱᕉᑎᒋᒃᑲᓐᓂᕐᓗᒋᑦ ᐱᓕᕆᖃᑎᒌᒍᓯᑦ ᓄᓇᖃᖅᑳᖅᓯᒪᔪᓄᑦ, ᐊᓪᓚᖓᔪᓄᑦ, ᐊᒻᒪ ᐃᓄᖕᓄᑦ, ᖃᐅᔨᓴᖅᐸᒡᓗᒋᓪᓗ ᐱᔪᓐᓇᕐᓂᕆᔭᐅᔪᑦ ᐊᒻᒪ ᐱᔪᓐᓇᐅᑎᒋᔭᐅᔪᑦ.  ᐅᓇ ᐱᕕᒃᓴᑦᑎᐊᕙᐅᔪᖅ ᐋᖅᑭᖃᑎᒌᖕᓂᕐᒧᑦ ᐱᐅᓯᕆᔭᐅᕙᓚᐅᖅᑕᑦᑎᓐᓄᑦ ᓯᕗᓂᒃᓴᖃᑦᑎᐊᕐᓂᖅᓴᐅᓕᖅᑎᓪᓗᒋᓪᓗ ᑲᓇᑕᒥᐅᓕᒫᑦ.

"ᐊᑐᐊᒐᑦᑎᐊᕙᐅᙱᑦᑐᑦ ᐊᑐᐊᒐᕆᔭᐅᔅᓲᔭᕋᓗᐊᖅᑎᓪᓗᒋᑦ 200 ᐅᑭᐅᑦ ᖃᓂᒋᔮᓂ, ᓄᓇᖃᖅᑳᖅᓯᒪᔪᑦ ᐃᓕᓴᕐᓇᐅᑎᒥᖕᓂᒃ ᐊᓯᐅᔨᙲᓐᓇᕈᓘᔭᑐᑦ ᓄᓇᖏᓐᓂ. ᐱᔪᓐᓇᐅᑎᖏᑦ ᐊᑐᖅᑏᓐᓇᖃᑦᑕᖅᑕᖏᑦ ᓇᖕᒥᓂᖅ ᐊᐅᓚᑦᑎᕕᖃᖅᖢᑎᒃ.  ᑕᐃᒪᐃᑦᑐᒃᑰᖅᑎᓪᓗᒋᑦ ᐃᓄᑑᙱᑦᑐᑦ" ᑖᒃᑯᐊᓗ ᑲᑐᔾᔨᖃᑎᒌᑦ ᐊᖏᖃᑎᒌᒍᑎᖓ ᐃᓕᓐᓂᐊᕐᕕᖕᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᓪᓗ ᑐᙵᕕᒋᔭᐅᖏᓐᓇᖅᐳᖅ ᑖᒃᑯᓂᖓ ᐱᓕᕆᑎᓪᓗᒋᑦ.

PrintEmail